Bakıda Ümummilli Lider Heydər Əliyevin əziz xatirəsinə həsr olunan peşəkar idmançılar arasında MMA idman növü üzrə (Mixed martial arts-Qarışıq döyüş sənəti) beynəlxalq turnir keçirilib.
Shimal.News xəbər verir ki, müxtəlif ölkələrdən peşəkar döyüşçülərin iştirak etdiyi nüfuzlu turnirdə 84 kq çəki dərəcəsində ölkəmizi təmsil edən qusarlı peşəkar idmançı Fərid Mirzəbəyov parlaq çıxışı ilə yadda qalıb. İran İslam Respublikasını təmsil edən döyüşçü Nori Mohsen ilə qarşılaşan idmançımız birinci raundda təşəbbüsü ələ alaraq, rəqibinə heç bir imkan tanımayıb və qalib gəlib.
Fərid Mirzəbəyov və məşqçisi Elşən Şükürovla görüşən Qusar Rayon İcra Hakimiyyətinin başçısı Sahir Məmmədxanov, onlara diplom və hədiyyələr təqdim edib, gələcək fəaliyyətlərində uğurlar arzulayıb.
