Qusar Peşə Liseyinin şagirdləri üçün Qarabağ Zəfərinin 5-ci ildönümünə həsr olunan 23-cü “Poliqon” gənclərin hərbi-vətənpərvərlik düşərgəsi təşkil edilib.
Shimal.News məlumat verir ki, Gənclər və İdman Nazirliyinin təşəbbüsü ilə Quba İstirahət, İdman, Təlim və Tədris Kompleksində keçirilən düşərgədə 130 nəfər iştirak edib.
Üç gün davam edən proqram çərçivəsində gənclər “Canavarlar”, “Aslanlar”, “Zəfər”, “Mübarizlər”, “İgidlər”, “Əqrəblər” və “Qartallar” adlı komandalar şəklində bölünərək müxtəlif təlimlərə, idman yarışlarına və komanda fəaliyyətlərinə cəlb olunublar.
Düşərgənin məqsədi gənclərdə vətənpərvərlik hisslərinin gücləndirilməsi, komanda ruhunun formalaşdırılması və fiziki hazırlığın artırılması olub.
