Qazaxıstanın Aktau şəhərində baş vermiş məlum təyyarə qəzasında həlak olan Qusar rayonu Suduroba kənd sakinləri - 19 yaşlı Xədicə və 22 yaşlı Əli Əlimirzəyevlərin ailələrinə verilməsi nəzərdə tutulan kompensasiya ətrafında narazılıq yaranıb.
Bizim.Media-nın məlumatına görə, bacı-qardaşın sağlığında onlarla heç bir əlaqə saxlamayan, qayğılarına qalmayan ögey qardaşları Kamran Seyidov kompensasiyaya iddia irəli sürüb. Qusarın Əvəcük kəndində anadan olan, hazırda Bakıda yaşayan K.Seyidov mərhum bacı-qardaşın ailə üzvü kimi çıxış edir.
Qeyd edək ki, Xədicə və Əli Əlimirzəyevlər doğma kəndləri Sudurobada yaşayırdılar və faciəvi hadisə baş verənədək ögey qardaşları ilə heç bir münasibətləri olmayıb.
Xatırladaq ki, dekabrın 25-də AZAL-ın Bakı-Qroznı reysini yerinə yetirən “Embraer” tipli təyyarəsi Qazaxıstanın Aktau şəhəri yaxınlığında qəzaya uğrayıb. Təyyarənin göyərtəsindəki 67 nəfərdən 38-i həlak olub, 29-u sağ qalıb. İlkin qiymətləndirmələrə görə, təyyarə Rusiyanın hava məkanında vurulub.
Ətraflı videoda:
