Təyyarə qəzasında həyatını itirən qusarlı bacı-qardaşın 40 mərasimi baş tutub.
Shimal.News xəbər verir ki, Qusarın Suduroba kənd sakinləri 22 yaşlı Əli Mirzəbəy oğlu və 19 yaşlı Xədicə Mirzəbəy qızı Əlimirzəyevlərin məzarları ziyarət olunub.
Gənclərin xatirəsini anmaq üçün yerli əhali və dövlət, qurumların nümayəndələri qəbiristanlıqda dualar oxuyub və məzarların üstünə gül qoyublar. Daha sonra ehsan süfrəsi açılıb.
Xatırladaq ki, AZAL-a məxsus Bakı-Qroznı aviareysini həyata keçirən sərnişin təyyarəsi 2024-cü il dekabrın 25-də Qazaxıstanın Aktau şəhəri yaxınlığında qəzaya uğrayıb. Təyyarənin göyərtəsindəki 67 nəfərdən 38-i həlak olub, 29-u sağ qalıb. Hər iki pilot da daxil olmaqla 3 ekipaj üzvü həlak olub, iki ekipaj üzvü isə sağ qalıb.
