Qusar RİH başçısı Sahir Məmmədxanovun əmri ilə onun müavini vəzifəsinə Ceyhun Məzahir oğlu Hacıyev təyin edilib.
Banker.az-ın məlumatına görə, C.Hacıyev bundan əvvəl İctimai-siyasi və humanitar məsələlər şöbəsinin müdiri vəzifəsində çalışıb və yeni təyinatdan sonra da həmin şöbənin fəaliyyətinə rəhbərliyi davam etdirəcək.
Qeyd edək ki, Ceyhun Hacıyev 2003–2006-cı illərdə Qusar Rayon İcra Hakimiyyəti yanında Yetkinlik yaşına çatmayanların işləri və hüquqlarının müdafiəsi üzrə Komissiyanın məsul katibi, 2006–2008-ci illərdə RİH başçısının köməkçisi, 2008–2012-ci illərdə ictimai təşkilatlar və siyasi partiyalarla iş şöbəsinin müdiri, 2012–2015-ci illərdə İctimai-siyasi və humanitar məsələlər şöbəsinin baş məsləhətçisi, 2015–2025-ci illərdə isə həmin şöbənin müdir müavini – dini qurumlarla işin təşkilatçısı vəzifələrində çalışıb.
