Deputat Azər Badamov Moskvada hava limanında saxlanılıb və ona Həştərxan reysinə minməyə icazə verilməyib.
Shimal.News məlumat verir ki, Rusiya tərəfinin dəvəti və Abşeron RİH-in təşkilatçılığı ilə Azərbaycan nümayəndə heyəti Ümummilli Lider Heydər Əliyevin anadan olmasının ildönümü ilə əlaqədar tədbirlərdə iştirak etmək üçün Rusiyanın Həştərxan vilayətinə səfərə yollanıb.
Nümayəndə heyətinin tərkibinə daxil olan A.Badamova Həştərxan reysinə minməyə icazə verilməyib. Onun ölkəyə girişinə qadağa qoyulduğu bildirilib.
Azər Badamov 1968-ci il avqustun 18-də Qusar rayonunun Düztahir kəndində anadan olub. Azərbaycan Texnologiya İnstitutunun Qeyri-ərzaq mallarının əmtəəşünaslığı və ticarətin təşkili fakültəsində təhsil alıb. Evlidir, 2 övladı var.
