Bəzən marketlərin rəflərindəki qiymətlə kassada qarşılaşdığımız qiymət eyni olmur.
Belə bir hal Qusar-Xudat yolunda yerləşən “Big Store” adlı marketdə də yaşanıb.
Bununla bağlı Shimal.News-a danışan alıcının sözlərinə görə, bu hal artıq bir neçə dəfədir ki, təkrarlanır.
“17.08.2025-ci ilin tarixində “Big Store”dan 11 ədəd dondurma aldım. Kassada göstərilən məbləği ödəkdikdən sonra bir yalnışlıq olduğununun fərqinə vardım. Belə ki, aldığım dondurmalardan birinin qiymətinin 40 qəpikdən 29 qəpiyə düşdüyünü görmüşdüm. Ancaq qəbzdə həmin dondurmanın 29 əvəzinə 39 qəpikdən hesablandığını görüb yenidən marketə yaxınlaşdım. Onlara rəfdə bir qiymət, qəbzdə başqa qiymət qeyd etdiklərini bildirdim. Buna cavab isə, “kompüterdə göstərilən qiymət düzgündür, orada gördüyünüz yox” oldu. Onu da qeyd edim ki, bu hal ilk dəfə yaşanmır. Eyni marketdə bir neçə dəfə belə bir halla üzləşmişəm”,- deyə alıcı bildirib.
Qeyd edək ki, məsələ ilə bağlı sözügedən marketlə əlaqə saxlamağa çalışsaq da, cavab ala bilmədik.
