Qusar rayonunda su hövzələrinə, hidrotexniki qurğulara, su təchizatı və meliorasiya infrastrukturlarına yerində baxış keçirilib.
Shimal.News məlumat verir ki, tədbirdə Azərbaycan Respublikasının İqtisadi İslahatların Təhlili və Kommunikasiya Mərkəzinin rəhbərliyi, Azərbaycan Dövlət Su Ehtiyatları Agentliyi, Kənd Təsərrüfatı Nazirliyi, Fövqəladə Hallar Nazirliyi və Ekologiya və Təbii Sərvətlər Nazirliyinin səlahiyyətli nümayəndələri iştirak ediblər.
Baxış Samur-Abşeron kanalında monitorinq məqsədilə quraşdırılan avtomat stansiyalara, yeraltı su ehtiyatlarının səviyyəsini və gündəlik dəyişkənliyini izləmək üçün qazılan müşahidə quyularına, eləcə də ərazidə həyata keçirilən təmizləmə və sahilbərkitmə işlərinə yerində baxış keçirilib.
Eyni zamanda, regionun su təsərrüfatı imkanları, su təminatının yaxşılaşdırılması və gələcək inkişaf istiqamətləri müzakirə edilib.
