Əmək və Əhalinin Sosial Müdafiəsi Nazirliyinin tabeliyindəki DOST Rəqəmsal İnnovasiyalar Mərkəzi (DOST RİM) rəqəmsal savadlılıq təlimi keçirəcək.
Shimal.News xəbər verir ki, budəfəki təlim iyulun 23-ü saat 14:00-da Qusar rayonu Heydər Əliyev Mərkəzində baş tutacaq.
Təlimdə yerli sakinlərə Nazirlik üzrə e-xidmətlər və onlardan istifadəyə dair praktik məlumatlar veriləcək, sualları cavablandırılacaq.
Təlimdən sonra vətəndaşlar üçün yardım masaları təşkil olunacaq və e-xidmətlərlə bağlı sualları olan vətəndaşlara rəqəmsal dəstək göstəriləcək.
Bu tədbirlər Prezident İlham Əliyevin Sərəncamı ilə təsdiq edilmiş “Korrupsiyaya qarşı mübarizənin gücləndirilməsinə dair 2022–2026-cı illər üçün Milli Fəaliyyət Planı” üzrə Tədbirlər Planının müvafiq bəndinə əsasən təşkil olunur. Məqsəd regionlarda əhalinin rəqəmsallaşma istiqamətində bilik və bacarıqlarının artırılmasıdır.
