Qusarda “Mercedes” markalı nəqliyyat vasitəsinin sürücüsü Aydın Şixverdiyev saxlanılıb.
Shimal.News xəbər verir ki, Dövlət Yol Polisi Bölməsinin əməkdaşları tərəfindən tədbir keçirilib.
Yol hərəkəti qaydalarını kobud şəkildə pozduğuna görə, A.Şixverdiyev saxlanılıb. Müayinə zamanı onun narkotik vasitənin təsiri altında olduğu məlum olub.
Məhkəmənin qərarı ilə A.Şixverdiyev inzibati qaydada 15 sutka həbs edilib və sürücülük hüququ iki il müddətinə məhdudlaşdırılıb.
