Redaksiyamıza Qusar şəhərindən təhlükə doğura biləcək infrastrukturla bağlı şikayət daxil olub.
Shimal.News xəbər verir ki, sakinlərin bildirdiyinə görə, şəhərdə Olimpiya İdman Kompleksi ilə üzbəüz yerləşən hasar bərbad vəziyyətdədir və istənilən an aşıb insanlara xəsarət yetirə bilər.
Sözügedən ərazi gündəlik olaraq məktəblilərin və yerli sakinlərin sıx istifadə etdiyi piyada yolunun kənarında yerləşir.
Vətəndaşlar qeyd edirlər ki, vəziyyətin bu şəkildə davam etməsi potensial faciəyə səbəb ola bilər.
“Allah uzaq etsin, bu hasar birinin üstünə aşsa, cavabdeh kim olacaq?”, - deyə sakinlər sual edirlər.
Onlar aidiyyəti qurumlara çağırış edərək, hadisə baş vermədən təhlükənin aradan qaldırılmasını və ərazidə təmir-bərpa işlərinin aparılmasını tələb edirlər.
