Qusar rayonunun Piral kəndində 2-ci sinif şagirdi (oğlan) cinsi zorakılığa məruz qalıb.
Teleqraf.az-ın məlumatına görə, hadisə bu il may ayının 8-də yaşayış məntəqəsindən bir qədər aralıda baş verib.
İddialara görə, həmin gün dərs vaxtı XI sinif şagirdi Qoşqar Vahabov (ad-soyad şərtidir) II sinif şagirdini kənddən aralı əraziyə - çay yatağına aparıb və orada azyaşlıya təcavüz edib.
Hadisədən ilk xəbər tutan II sinif şagirdinin anası olub.
Polis elə həmin gün gecə saatlarında XI sinif şagirdini saxlayıb, lakin sonra da sərbəst buraxılıb.
Məsələ ilə bağlı Quba-Xaçmaz Regional Təhsil İdarəsindən sorğuya cavab olaraq bildirilib ki, hadisə barədə araşdırma aparılır.
"Səsləndirilən iddia ilə bağlı hüquq-mühafizə orqanları tərəfindən araşdırma aparılır. Araşdırmanın nəticələri ictimaiyyətə təqdim ediləcək", - idarədən qeyd olunub.
Məktəb direktoru iddialarla bağlı sualı cavablandırmaqdan imtina edib.
