Qusar rayonunun Cibir kənd tam orta məktəbinin direktoru Dair Məcidov kafedə dava salıb.
Teleqraf.az-ın məlumatına görə, hadisə bir neçə gün əvvəl baş verib.
D.Məcidov tanışı ilə birlikdə Qusar şəhərində yerləşən “Bahar” kafesində yemək yeyib, spirtli içki qəbul edib. Daha sonra tərəflər arasında mübahisə yaranıb və dava düşüb.
Hər iki şəxs Qusar Rayon Polis Şöbəsinin əməkdaşları tərəfindən saxlanılıblar. Qarşı tərəf Dair Məcidovun onu söyüb təhqir etdiyini və vurduğunu bildirib.
Qusar Rayon Məhkəməsinin qərarı ilə inzibati xəta haqqında işə xitam verilib və direktor D.Məcidov sərbəst buraxılıb.
