Qusar sakini saxladığı çoban itinə görə cərimə edilib.
Shimal.News məlumat verir ki, 51 yaşlı Rauf Fərəcov (ad şərti) barəsində İnzibati Xətalar Məcəlləsinin 290.3 (zərər çəkmiş şəxsin sağlamlığına yüngül bədən xəsarətinin yetirilməsinə və ya zərər çəkmiş şəxsə maddi zərər vurulması) maddəsi ilə protokol tərtib edilib. Məhkəmənin qərarı ilə həmin şəxs 800 manat məbləğində cərimə edilib.
Məlum olub ki, Fərəcovun iti qonşuluqda yaşayan 40 yaşlı Sahil Babayevə (ad şərti) hücum edərək qapıb. Nəticədə zərərçəkmiş xəstəxanaya aparılıb. O, ambulator müalicə edildikdən sonra evə buraxılıb.
