Qusar Rayon Məhkəməsində qəsdən sağlamlığa yüngül zərər vurmada təqsirləndirilən Malik Balayevin (adı, soyadı şərtidir) cinayət işi üzrə məhkəmə istintaqı yekunlaşıb.
Pravda.az-ın məlumatına görə, hakim Anar Qasımovun sədrliyi ilə keçirilən prosesdə hökm oxunub.
Məhkəmənin hökmü ilə o, 240 saat ictimai işlər cəzasına məhkum edilib.
İttihama görə, hadisə bu il Qusar rayonu Hil kəndi ərazisində yerləşən “Pioneer” inşaat malları mağazasının yaxınlığında qeydə alınıb.
Belə ki, Malik Balayev əvvəldən tanımadığı, həmyerlisi, zərərçəkmiş Xalid Əkbərovla (adı, soyadı şərtidir) mübahisə edib. Buna səbəb isə küçədə zərərçəkmiş şəxsin ona baxmağı olub. Bu zaman Malik qəsdlə yumruqla Xalidin alnına zərbə vuraraq ona xəsarət yetirib.
Hadisədən sonra Malik Balayev saxlanılaraq cinayət məsuliyyətinə cəlb edilib.
