Qusarın Balaqusar həkim məntəqəsində əhaliyə tibbi xidmət göstərilib. “ShimalNews” xəbər verir ki, rayon Mərkəzi Xəstəxanasının səyyar həkim briqadası ixtisaslı həkim müayinələri keçirib.
Həkim-terapevt, həkim-endokrinoloq, həkim-pediatr, USM (Ultrasəs müayinəsi) həkimi və laborantın iştirakı ilə qan analizləri götürülüb və USM müayinəsi aparılıb. Sakinlərin bir qisminə yerində tibbi yardım göstərilib, həkim-mütəxəssislər tərəfindən müvafiq müalicələr təyin olunub. Müraciətlərin çoxu terapevt həkimə ünvanlanıb.
Əhali səyyar həkim briqadası tərəfindən müayinə və müalicə olunmalarını razılıqla qarşılayıb.
