Qusar rayonunda ətraf mühitin mühafizəsi gününə həsr edilən “Mənim təmiz şəhərim” adlı ekoloji təmizlik aksiyası keçirilib.
Shimal.News xəbər verir ki, tədbir Quba-Xaçmaz Regional Gənclər və İdman İdarəsinin Qusar rayonu üzrə gənclər və idman sektorunun təşkilatçılığı ilə Zəfər parkında baş tutub.
Aksiyanın keçirilməsində məqsəd Qusar şəhəri ərazində təmizliyə riayət olunmasını təbliğ etmək, park ərazilərinin məişət tullantıları ilə zibillənməsinin qarşısını almaq, diqqəti ətraf mühitin mühafizəsinə və ekoloji problemlərə cəlb etməkdən ibarət olub.
