“Gənc müəllimlər üçün Türkiyədə təcrübə imkanı” layihəsinin açılış tədbiri baş tutub.
Shimal.News xəbər verir ki, tədbirdə Qusar rayon təhsil sektorunun aparacı məsləhətçisi-Rövşən Bünyatov, aparıcı məsləhətçi İldırım Zeynalov, Qusar rayon Çiləgir kənd tam orta məktəbin direktoru Farid Eldarov, Aşağı Ləgər kənd tam orta məktəbin direktoru Murad Həsənov və Quxuroba kənd tam orta məktəbin direktoru Rəşid Tahirov rəsmi qonaq qismində iştirak ediblər.
Elçin Salmanov təqdimatla çıxış edərək layihə ilə bağlı iştirakçılara ətraflı məlumat verib.
“Gənc müəllimlər üçün Türkiyədə təcrübə imkanı” layihəsi Qusar rayon Urva kənd tam orta məktəbdə həyata keçirilir. Layihə çərçivəsində müəllimlərin beynəlxalq təcrübə əldə edərək, tədris prosesini müasir metodlara həyata keçirmələri üçün məktəbdən 3 müəllimin Türkiyədə 1 həftəlik təcrübə proqramında iştirak etməsi nəzərdə tutulur. Türkiyədən qayıdan müəllimlər məktəbdə seminarlar verərək digər həmkarları ilə öyrəndiklərini bölüşəcəklər.
