“Yatmışdıq, oyananda bir göz qırpımında hər şeyin kül olduğunu gördük”.
Bu sözləri Shimal.News-a zərərçəkən Qusarın Quxuroba kəndində yaşayan Raisə Abdiyeva deyib.
Bildirilib ki, gecə saat 02:00 radələrində Zahid Abdiyevə məxsus 2 mərtəbəli fərdi yaşayış evində güclü yanğın baş verib. Alov qısa müddətdə bütün evi bürüdüyündən heç bir əşyanı çıxarmaq mümkün olmayıb. Şəxsi əşyalar və mebellə birgə 2 gəlinin cehizləri də yanıb.
İlkin hesablamalara görə, ev sahibinə təxminən 25 min manat dəyərində maddi ziyan dəyib.
Yanğının dəqiq səbəbləri araşdırılır.
