Qusar şəhərində küçə və parklarda cari təmir işlərinə başlanılır.
İqtisadiyyat.az-ın məlumatına görə, təmir işləri Heydər Əliyev prospekti, Elektroset, Fəxrəddin Musayev, Hüseyn Ərəblinski, Əziz Səfixanov, Şahin Kamilov, Ş.Piroğlanov, Sərdar Səfərov, Çingiz Qurbanov, Elza İbrahimova, Ayaz Həmidov, Asəf Mehman, Zərifə Əliyeva, Azər Xammətov, Hacı Zeynalabdin Tağıyev, Nəcəf Balaqadaşov, Məhəmməd Füzuli küçələrini, eləcə də Heydər Əliyev prospektinin Əkbər Fərzəliyev küçəsi ilə kəsişməsindəki dairəni əhatə edəcək.
Bundan əlavə təmir işləri çərçivəsində Hüseyn Ərəblinsk, Hacı Zeynalabdin Tağıyev, Ayaz Həmidov, Asəf Mehman və Nəcəf Balaqadaşov küçələrinin işıqlandırılması, həmçinin Babək Ramaldanov küçəsindən Nürəddin Həbibov küçəsinə gedən adsız küçədə gecə işıqlandırıcıların quraşdırılması nəzərdə tutulub.
Eyni zamanda, Nəriman Nərimanov adına mərkəzi parkda da təmir işləri aparılacaq.
İcra hakimiyyəti təmir işlərini “Ana-Yol” MMC-yə həvalə edib və onunla müqavilə bağlayıb. Müqaviləyə əsasən təmir işlərinə 1 milyon 130 min manat vəsait sərf olunacaq.
