Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidməti Qusar rayon Mərkəzi Xəstəxanası Publik Hüquqi Şəxsin baş direktoru Kamil Hacıyevi 1800 manat məbləğində cərimə edib.
“Bizim.Mediа”nın məlumatına görə buna səbəb baş direktorun xəstəxananın anbar bölməsinin müdiri Flora Mirzəağayevanı qanunsuz olaraq işdən çıxarması olub.
Flora Mirzəağayeva 2013-cü il sentyabr ayının 1-də xəstəxana ilə müddətsiz müqavilə bağlayıb. Xəstəxananın baş direktoru Kamil Hacıyev isə zərəçəkmişi 2024-cü il iyul ayının 22-də əmək müqaviləsinin müddətinin bitməsinə görə işdən azad edib.
Bundan narazı qalan Flora Mirzəağayeva Dövlət Əmək Müfəttişliyinin Quba-Xaçmaz regional şöbəsinə müraciət edib. Baş direktorun əmrini qanunsuz sayılın və ona tənbeh tətbiq olunub.
Bundan arazı qalan baş direktor Kamil Hacıyev Qusar rayon məhkəməsinə müraciət edib. Məhkəmə iclasında baş direktorun iddiası təmin edilməyib və Əmək Müfəttişliyi Xidmətinin qərarı qüvvədə saxlanılıb.
