Qusar Rayon Mərkəzi Xəstəxanasının baş direktoru Kamil Hacıyev 20 min manat cərimələnib.
Shimal.News-un əldə etdiyi məlumata görə, Qusar Rayon Məhkəməsində hakim Əli Cəlilovun sədrliyi ilə keçirilən iclasda qərar qəbul edilib.
Belə ki, Kamil Hacıyevə qarşı İnzibati Xətalar Məcəlləsinin 192.1-ci maddəsi ilə cinayət işi açılıb.
Məhkəmə iclasında ifadə verən Kamil Hacıyev şahid izahatlarının şər, böhtan və qərəzli olduğunu deyib.
Məhkəmədə ifadə verən şahidlər Kamil Hacıyevin öz arvadı İlhamə Hacıyevaya geniş idarəetmə, nəzarət səlahiyyətlərinin verdiyini açıqlayıblar. Bunun nəticəsində İlhamə Hacıyeva müxtəlif şöbələrin işlərinə qanunsuz müdaxilə etməyə, bəzi işçiləri işdən çıxarmaqla qorxutmağa başlayıb. Həmçinin, müəssisədə qanunsuz olaraq işləyib.
Tərəflərin məhkəmədəki ifadəsindən sonra hakim Kamil Hacıyev və xanımı İlhamə Hacıyevanın tibb müəssisəsində törətdikləri ciddi qanun pozutularına hüquqi qiymət verib.
Qərara əsasən, Qusar Rayon Mərkəzi Xəstəxananın direktoru Kamil Hacıyev İnzibati Xətalar Məcəlləsinin 192.1-ci maddəsi ilə təqsirli bilinərək 20 min manat cərimə edilib.
Fidan İlqar
