Qusar Rayon Mərkəzi Xəstəxanasında (RMX) 28 May - Müstəqillik Gününə həsr olunan tədbir keçirilib.
Shimal.News xəbər verir ki, "Tariximizdən güc alan Müstəqillik" adlı tədbirdə YAP Qusar rayon təşkilatının sədr müavini Neva Abdurahmanova, Qusar RİH-nin Siyasi və humanitar məsələlər şöbəsinin müdir müavini Ceyhun Hacıyev, Qusar 1 saylı mediasiya təşkilatının rəhbəri Radik Kazımov, Qusar rayon Heydər Əliyev Mərkəzinin direktor əvəzi Fatimə Zülfiqarova, Mərkəzi Xəstəxananın rəhbərliyi və kollektivi iştirak ediblər.
Tədbir Azərbaycan Respublikasının dövlət himninin səsləndirilməsi ilə başlanıb. Daha sonra Ulu Öndər Heydər Əliyev və torpaqlarımızın ərazi bütövlüyü uğrunda canlarını fəda edən şəhidlərimizin əziz xatirəsi 1 dəqiqəlik sükutla yad edilib.
Xəstəxananın direktoru, Tibb üzrə fəlsəfə doktoru Kamil Hacıyev tədbiri giriş sözü ilə açaraq Şanlı tariximizə qızıl hərflərlə yazılan 28 May – Müstəqillik Günü xalqımız üçün müqəddəs gün olmaqla yanaşı, hər bir Azərbaycan vətəndaşının qürur günü olduğunu bildirib.
YAP Qusar rayon təşkilatının sədr müavini Neva Abdurahmanova, Qusar rayon Heydər Əliyev Mərkəzinin direktor əvəzi Fatimə Zülfiqarova öz çıxışlarında 28 May 1918-ci ildə yaranan Azərbaycan Xalq Cümhuriyyətinin tarixi əhəmiyyətini tədbir iştirakçılarına bir daha xatırladaraq, Azərbaycanın bugünkü inkişafı və əldə etdiyi uğurlar məhz müstəqil dövlətçilik ideyasına bağlılıq nəticəsində mümkün olduğunu qeyd ediblər.
Sonda 28 May - Müstəqillik Gününə həsr olunan film nümayiş olunub. Tamaşaçılar Azərbaycan Xalq Cümhuriyyətinin yaranması, fəaliyyəti, süqutu və müstəqilliyimizin bərpası dövründə baş verən tarixi hadisələr haqqında ətraflı məlumat əldə ediblər.
