Qusar Rayon İcra Hakimiyyəti Başçısının müavini - İctimai-siyasi və humanitar məsələlər şöbəsinin müdiri vəzifəsinə yeni təyinat olub.
Shimal.News xəbər verir ki, başçının əmri ilə qeyd olunan vəzifəyə Ceyhun Məzahir oğlu Hacıyev təyin edilib.
Ceyhun Hacıyev 2003-2006-cı illərdə Qusar Rayon İcra Hakimiyyəti yanında Yetkinlik yaşına çatmayanların işləri və hüquqlarının müdafiəsi üzrə Komissiyanın məsul katibi, 2006-2008-ci illərdə Rayon İcra Hakimiyyəti Başçısı Aparatında baş məsləhətçi (RİH başçısının köməkçisi), 2008-2012-ci illərdə RİH başçısı Aparatının ictimai təşkilatlar və siyasi partiyalarla iş şöbəsinin müdiri, 2012-2015-ci illərdə İctimai-siyasi və humanitar məsələlər şöbəsinin baş məsləhətçisi, 2015-2025-ci illərdə İctimai-siyasi və humanitar məsələlər şöbəsinin müdir müavini – dini qurumlarla işin təşkilatçısı vəzifələrində çalışıb.
