Qusar rayon poçt şöbəsi ilə bağlı qalmaqal daha da dərinləşir.
Shimal.News xəbər verir ki, məsələ ilə bağlı araşdırmaçı jurnalist Müqəddəs Mehdiyev yeni məlumat yayıb. Onun sözlərinə görə, şikayətçilərdən biri Qusar rayon prokurorluğuna artıq təsdiqedici sənədlər və videogörüntülər təqdim edib.
Jurnalist bildirib ki, vətəndaşların "Azərpoçt" MMC-yə ünvanladıqları müraciətlərə qurumun idarə heyəti sədrinin vəzifəsini müvəqqəti icra edən İsi Mustafayev cavab verib.
Qeyd edək ki, bir müddət əvvəl Qusar rayon Prokurorluğunun rayon poçt şöbəsi ilə bağlı araşdırmaya başladığı barədə məlumat verilmişdi. Prokurorluğa müraciət edən bir neçə vətəndaş yuxarı dövlət orqanlarına göndərdikləri şikayət məktublarının poçt şöbəsinin müdiri tərəfindən icazəsiz şəkildə açıldığını və oxunduğunu iddia ediblər.
