Qusar 1 saylı Mediasiya Təşkilatı Şimal regionunda ən yüksək nəticə göstərib.
Shimal.News xəbər verir ki, Mediasiya Şurası 2024-cü il fəaliyyəti üzrə Qusar, Quba, Xaçmaz, Şabran, Siyəzən və Xızı rayonlarını əhatə edən hesabat hazırlayıb.
Ümumilikdə dövr üzrə təşkilata 1610 iş daxil olub. Onlardan 749-una yalnız bir tərəfin iştirakı ilə baxılıb, 316 işə isə xitam verilib. Hər iki tərəfin iştirakı ilə aparılan 545 işdən 223-ü barışıqla nəticələnib və bu işlər üzrə "Barışıq Sazişi" imzalanıb.
Statistik göstəricilər Azərbaycanın Şimal regionu üzrə Qusar 1 saylı Mediasiya Təşkilatının bağladığı keyfiyyətli barışıq sazişlərinin sayına görə ən yüksək nəticə göstərdiyini təsdiqləyir.
Təşkilat nümayəndələrinin sözlərinə görə, məqsəd vətəndaşlar arasında hüquqi mübahisələrin sülh yolu ilə, qarşılıqlı anlaşma və dialoq əsasında həllinə töhfə verməkdir.
