Qusar şəhər Bəhruz Ağaverdiyev adına 1 saylı tam orta məktəbin şagirdi Elmir Ağamirzəyev böyük uğura imza atıb.
Shimal.News xəbər verir ki, o, İctimai Televiziyada yayımlanan və intellektual bilik yarışması kimi tanınan “Əlaçı” layihəsində iştirak edərək super finala vəsiqə qazanıb.
Elmir yarışmada 12 iştirakçı arasında ən çox və ən tez suallara düzgün cavab verərək qalib adını qazanıb. Bu uğur onun biliyinin və sürətinin göstəricisi olmaqla yanaşı, həm də Qusar məktəblilərinin intellektual potensialının bariz nümunəsidir.
Qeyd edək ki, “Əlaçı” layihəsi gənclər arasında intellektual biliklərin artırılması və təhsilə marağın gücləndirilməsi məqsədilə İctimai Televiziya tərəfindən həyata keçirilir.
