Son zamanlarda Qusar Rayon İcra Hakimiyyəti ilə “Azpetrol Ltd” arasında Aİ-95 markalı benzinin alınması ilə bağlı 5 min manatlıq satınalma müqaviləsi imzalanıb.
Yeniavaz.сom-un məlumatına görə, “Azpetrol Ltd”, həmçinin Balakən Rayon İcra Hakimiyyətinə bu ilin sonuna kimi 15 min 500 manat dəyərində yanacaq satacaq.
Məlumat üçün bildirək ki, Azərbaycanda İcra hakimiyyətlərinin əksəriyyətini avtomobil yanacağı ilə “Azpetrol Ltd” ” şirkəti təmin edir.
Son zamanlar ayrı-ayrı rayonların İcra hakimiyyətləri ilə “Azpetrol Ltd” arasında Aİ-95 markalı benzinin alınması ilə bağlı aşağıdakı məbləğdə satınalma müqavilələri imzalanıb:
Balakən Rayon İcra Hakimiyyəti – 15 min 500 manat;
Şəki Rayon İcra Hakimiyyəti – 3200 manat;
Səbail Rayon İcra Hakimiyyəti – 16 000 manat;
Binəqədi Rayon İcra Hakimiyyəti – 12 min 152 manat;
Qusar Rayon İcra Hakimiyyəti – 5000 manat;
Lənkəran Şəhər İcra Hakimiyyəti – 9 600 manat;
Ağcabədi Rayon İcra Hakimiyyəti – 4 590 manat;
Saatlı Rayon İcra Hakimiyyəti – 9 696 manat;
Gəncə Şəhər İcra Hakimiyyəti – 19 min 572 manat;
Nərimanov Rayon İcra Hakimiyyəti – 6700 manat;
Ağsu Rayon İcra Hakimiyyəti – 8640 manat;
Mingəçevir Şəhər İcra Hakimiyyəti – 10 min 800 manat;
Biləsuvar Rayon İcra Hakimiyyəti – 6720 manat.
Bunlardan başqa, Yasamal Rayon İcra Hakimiyyəti “İST” firması ilə 5000, Sumqayıt Şəhər İcra Hakimiyyəti “Lukoil-Azərbaycan” QSC ilə 36 min, Gədəbəy Rayon İcra Hakimiyyəti “Sultan 015” MMC ilə 11 min 500 manatlıq müqavilə imzalayıb.
Sədərək, Ordubad və Kəngərli rayonlarının İcra hakimiyyətləri isə “HP Petrol” MMC ilə müqavilə imzlayaraq müvafiq olaraq 4200, 6048 və 4200 manatlıq benzin alıblar.
