Bu gün Dini Qurumlarla İş üzrə Dövlət Komitəsinin təşkilatçılığı ilə qeyri-islam dini icmalarının nümayəndələri və onların dəvəti ilə ölkəmizə gələn xarici qonaqlar Qubaya səfər ediblər. Bu barədə ShimalNews 28 mart tarixində Quba RİH-yə istinadən xəbər verir.
Tədbir 31 Mart - Azərbaycanlıların Soyqırımı Günü ilə əlaqədar komitənin sədr müavini Səyavuş Heydərovun rəhbərliyi ilə təşkil olunub.
Səfər çərçivəsində qonaqlar Qubanın icra başçısı Ziyəddin Əliyevlə görüşüblər. Sonra Qırmızı Qəsəbədə yerləşən Ümumdünya Dağ Yəhudilərinin Tarix-Etnoqrafiya Muzeyi, “Giləki” sinaqoqu, Quba şəhər “Cümə” məscidi ilə tanış olub, Quba Soyqırımı Memorial Kompleksini ziyarət ediblər.
