Ötən həftə yağan aramsız leysan yağışları Quba rayonunun Xanəgah kəndində fəsadlara səbəb olub.
Baku TV-nin məlumatına görə, Cağacıq çayına gələn sel suları körpünü yararsız vəziyyətə salıb. Nəticədə, kəndin bir hissəsinə avtomobillərin giriş və çıxışı məhdudlaşıb.
"Çay kəndi iki hissəyə bölür. Kəndə nə girişimiz var, nə də çıxışımız. Mühasirədə qalmışıq. Uşaqlar məktəbə gedə bilmirlər. Xəstəmiz olsa, həkimə apara bilməyəcəyik", - deyə kənd sakinləri narazılıqlarını bildiriblər.
