Qubanın Şuduq və Növdün kəndlərinin sakinləri qaz problemindən əziyyət çəkirlər.
Bu barədə Shimal.News-a məlumat verən vətəndaşların sözlərinə görə, iki kənddə ümum olaraq 700-ə yaxın sakin yaşayır.
Onlar bildirir ki, 3 km aralıda yerləşən qonşu kəndə qaz çəkilsə də, Şuduq və Növdündə hələ də yanacaq mənbəyi kimi odundan istifadə olunur. Odun əldə etmək isə maddi baxımdan sakinlərə baha başa gəlir, həmçinin ekoloji problemə səbəb olur.
Kənd sakinləri deyir ki, dəfələrlə aidiyyəti qurumlara müraciət etsələr də, müsbət cavab ala bilməyiblər.
