Qubanın Barlı kəndində məişət tullantıları ilə bağlı xoşagəlməz hal davam edir.
Bu barədə Shimal.News-a yerli sakinlər məlumat veriblər:
“Bütün kəndi iy bürüyüb. Ətraf natəmizlikdə batır. Milçək, siçovul əlindən tərpənmək olmur. Sakinlər, bu yoldan keçənlər, bir sözlə hər kəs buranı zibilləyir.Müvafiq qurumlar məsələyə müdaxilə etmir, bələdiyyəyə dəfələrlə müraciət olunub”.
Üstəlik bu hal birbaşa Samur-Dəvəçi kanalının zibillənməsinə və təbiət üçün ekoloji fəlakətə çevrilir. Tullantılar üçün xüsusi ayrılmış yerin olmaması və təmizlik işlərin görülməməsi illərdir mövzunun aktual olmasına səbəb olur.
