Qubanın 1000 nəfərdən çox əhalisi olan Mirzəqışlaq kəndi may ayından bu günə kimi susuzluqdan əziyyət çəkir. Bu barədə ShimalNews 24 sentyabr tarixində xəbər verir.
Kəndin içməli su təminatı üçün sovet dönəmində artezian quyu qazılmışdır. Bu gün o, artıq quruyub.
2016-cı ildə Prezident İlham Əliyevin Sərəncamı əsasında Mirzəqışlaq kəndində quyu qazılıb. Onun suvarma üçün istifadəsi nəzərdə tutulmuşdur. Buna baxmayaraq, quyudan təsərrüfatlara xətlər çəkilmədi.
Yerli camaat həmin lilli suyu duruldub istifadə etməli olur. Avtomobili olan gəlib 1 ton üçün 2 manat ödəyib aparır. Digərləri təkcə nəqliyyat vasitəsinə 10 manat ödəyirlər ki, su ünvana çatdırılsın.
Sakinlərin sözlərinə görə, bütün qurumlara müraciətlər olunub. Nəticə isə əldə olunmayıb:
“Hər yerə yazmışıq, gəlib baxan yoxdur. Kənd sakini olan şəhid atası da bununla bağlı qurumlardan xahiş edib ki, köməklik göstərilsin. Amma xeyri yoxdur. Bir nəfər gəlib düşsə idi qabağa, biz də gücümüz nəyə çatırsa köməklik edərdik”, - deyə sakinlər bildiriblər.
Daha öncə qum-çınqıl karxanalarının kənd təsərrüfatının suvarılmasına və digər strateji əhəmiyyətə malik dövlət əmlaklarına vurduğu ziyan haqqında məlumat vermişdik.
[caption id="attachment_27982" align="alignnone" width="640"]
Photo Shimal.News[/caption]
[caption id="attachment_27983" align="alignnone" width="640"]
Photo Shimal.News[/caption]
[caption id="attachment_27984" align="alignnone" width="640"]
Photo Shimal.News[/caption]
