Quba şəhərinin mərkəzində, Heydər Əliyev prospektində səkilərin piyadalar üçün yararsız halda olması sakinlər narahat edir.
Shimal.News xəbər verir ki, Köhnə Avtovağzal yaxınlığındakı (5 mərtəbəli binanın qarşısında) səkidə çuxurlar əmələ gəlib. Hazırda güclü yağış yağdığı üçün səkidəki çuxurlar gölməçəyə çevrilib:
"Buradan keçmək, minalanmış ərazidən keçməyə bərabərdir. Hansı daşın üzərinə ayağını qoysan altından su üzərinə sıçrayır. İllərdir burada təmir işləri görülmür. Tikinti zamanı keyfiyyətsiz materialların istifadə edildilməsi Qubanın sərt iqliminə yaramır. Təsəvvür edin, buradan kimsə, əlil, yaxud uşaq arabası ilə keçə bilərmi? Gündə onlarla insanın bu ərazidə ayağı ilişib, sürüşüb yıxılır", - deyə yerli sakinlər bildiriblər.
Qeyd edək ki, səkinin nahamar, təmirsiz olduğu ərazi turistlərin Qubada ilk ayağını qoydu məkanlardan biridir.
