Qubanın Buduq kəndinə yağan qar həyatı iflic edib.
Shimal.News-un məlumatına görə, qarın hündürlüyü o qədər qalxıb ki, sakinlər mal-qaranı çölə çıxara bilmirlər.
Yerlilər bildirir ki, qarın hündürlüyü az qala insan boyuna çatır:
"Aprel ayında ilk dəfədir ki, belə hadisə görürük. Təsərrüfatlarda işləyə bilmirik. Nəinki mal-qara, heç özümüz də evdən çölə çıxa bilmirik. Bəzi kənd sakinlərinin tövlələri də çöküb, mal-qara qarın altında qalıb".
Qeyd edək ki, hazırda yağıntılar dayansa da, şaxta səbəbindən qar hələ əriməyib.
