Quba rayonunun ən böyük kəndlərindən biri olan Qəçrəşdə sakinlər məişət tullantılarının yığışdırılmamasından narazıdırlar.
Məsələ ilə bağlı Shimal.News-a danışan yerli sakinlərin sözlərinə görə, zibil qabları dolub-daşır, tullantılar günlərlə ərazidə qalır.
“Bu vəziyyət ətraf mühitin çirklənməsinə, həmçinin xoşagəlməz qoxuların və itlərin oraya toplaşmasına səbəb olur. Konteynerlər 1 gün tamam olmamış dolsa da, 3-4 gündən bir yığışdırılır. Tullantılardan yayılan qoxu o qədər pis olur ki, yanından keçmək olmur. Halbuki bu ərazi kənd kitabxanasına, qəbirstanlğa və yaşayış evlərinə 100 metr məsafədə yerləşir”, - deyə onlar bildiriblər.
Yerlilər aidiyyəti qurumlardan tullantıların gündəlik olaraq yığışdırılmasını və ətraf mühitin qorunması üçün əlavə tədbirlər görülməsini istəyirlər.
