Quba şəhərinin el arasında “Bazar küçəsi” adlandırılan Firudin Rəcəbov küçəsində antisanitar vəziyyət hökm sürür.
Məsələ ilə bağlı Shimal.News-a yerli sakinlər məlumat veriblər. Onların sözlərinə görə, küçənin girişində zibil qutuları olmadığı üçün məişət tullantıları yerə atılır və bu da xoşagəlməz mənzərənin yaranmasına səbəb olur.
Bundan əlavə tullantılar vaxtında daşınmadığı üçün ərazi sahibsiz itlərin məskəninə çevrilir və sakinlər də küçə heyvanlarının hücumuna məruz qalırlar. Vətəndaşların sözlərinə görə, dəfələrlə kommunal təsərrüfat birliyinə əraziyə zibil qutularının qoyulması ilə bağlı müraciət olunub. Buna baxmayaraq, problem bu günə qədər öz həllini tapmayıb.
