Quba şəhərinin mərkəzi küçələrindən biri 223-cü Atıcı Divizya küçəsi adlanır. Köhnə Avtovağzalın qarşısından başlayan küçə Qırmızı Qəsəbəyə kimi uzanır. Rayonun Şəhidlər Xiyabanı da bu küçədə yerləşir.
Shimal.News məlumat üçün bildrir ki, həmin diviziya Sovet İttifaqı dövründə yaradılıb və Böyük Vətən Müharibəsində iştirak edib. Bu bölmə, xüsusilə 1941-1945-ci illərdə, əhəmiyyətli bir rol oynayıb.
223-cü Atıcı Divizyanın döyüş yolu 1942-ci ilin yayından başlayıb. Şimali Qafqaz, Ukrayna, Moldaviya, Bolqarıstan, Yuqoslaviya və Macarıstandan Avstriyanın paytaxtı Vyanaya qədər Sovet qoşunlarının alman işğalçılarına qarşı mübarizəsində fəal rol oynayıb.
1942-ci ilin fevral ayından 1943-cü ilin iyun ayına qədər Heybət Heybətov diviziyanın komandiri olub. O, Mozdokdan Millerova şəhərinə qədər döyüş yolu keçib. Həmin dövrdə Həzi Aslanov və Yaqub Quliyevlə yanaşı, üçüncü general rütbəsi alan Heybət Heybətov olub.
Diviziya 1945-ci il mayın 9-da Çexoslovakiyaya daxil olub və 3 gün sonra Çeski Budlvitse şəhərində Amerika ordusunun hərbi hissələri ilə görüşüb.
Bölmənin əsgər və zabitlərindən 3483 nəfəri orden və medallarla təltif edilib. Müharibə illərində 223-cü diviziyada olan 6 nəfər 1037-ci alay Suvorov ordeninə, 1039-cu alay Kutuzov ordeninə, 1041-ci alay Suvorov və Kutuzov ordenlərinə, 818-ci alay Boqdan Xmelintski ordeninə layiq görülüb. Döyüşçülərindən 2 nəfərinə isə Sovet İttifaqı Qəhrəmanı adı verilib.
