Quba şəhəri Dəvədabanı yaşayış massivində axşam saatlarında havanı qatı tüstü bürüyür.
Məsələ ilə bağlı Shimal.News-a danışan yerli sakinlər bildiriblər ki, havaların isti keçdiyi və vətəndaşların pəncərələrini açıq saxladığı bir vaxtda bu daha da dözülməz hal alır.
“Yayılan tüstünün səbəbi yaşayış massivindəki zibilxanada toplanan tullantıların yandırılmasıdır. Evimizə dolan bu tüstü nəfəs almağı çətinləşdirir, sağlamlığımıza mənfi təsir göstərir. Tüstünün əlindən nə pəncərə aça bilirik, nə də çölə çıxa bilirik.
Sanki qəsdən axşamlar yandırırlar ki, kimsə görməsin. Bu nə vaxta qədər belə davam edəcək?", - deyə sakinlər narahatlıqlarını dilə gətiriblər.
