Ötən gün Quba şəhərinin 20 Yanvar küçəsində bioloji inkişaf dövrünü başa vuran, hər an aşaraq yaxınlıqdakı evlərə və vətəndaşların həyatına təhlükə yarada biləcək ağacla bağlı yayımladığımız xəbərdən sonra məsələ həllini tapıb.
Belə ki, Shimal.News-un yaydığı məlumatdan dərhal sonra 5 saylı Ərazi Ekologiya və Təbii Sərvətlər İdarəsinin əməkdaşları sözügedən ünvana baxış keçiriblər. Mütəxəssislərin qərarına əsasən, ağacın mövcud vəziyyəti təhlükəli olduğu üçün onun kəsilməsi təmin olunub.
Ərazi sakinləri ağacın vaxtında kəsilməsini məmnunluqla qarşılayıb və bu problemin həllinə kömək edən Shimal.News-a təşəkkürlərini bildiriblər.
