Bu gün şəhid Taleh Salamovun anım günüdür.
Shimal.News xəbər verir ki, Taleh Ədalət oğlu Salamov 1992-ci il yanvarın 16-da Quba rayonu Xırt kəndindən dünyaya gəlib.
Talehin ən böyük arzularından biri torpaqlarımızı düşmən işğalından azad etmək olub.
Məhz elə buna görə o, hərbi xidmətini başa vurduqdan sonra ordu sıralarında qalmaq qərarına gəlir. 27 sentyabrda Vətən müharibəsinin başlaması müddətdən artıq hərbi qulluqçu, kəşfiyatçı Taleh Salamov üçün sanki illərdir səbirsizliklə gözlədiyi gün idi. Böyük istəklə döyüşə atılan Taleh bir tərəfdən düşmənə sarsıdıcı zərbələlər endirib digər tərəfdən isə əzəli torpaqlarımızın düşmən tapdağından azad edilməsində xüsusi şücaət göstərib.
Talış kənd və Suqovuşan yaşayış məntəqəsinin azad olunması uğrunda gedən döyüşlərdə 2020-ci il oktyabrın 10-da qəhrəmancasına şəhidlik zirvəsinə yüksəlib. O, Xırt kənd qəbristanlığında torpağa tapşırılıb.
Taleh Salamov ölümündən sonra "İgidliyə görə" , "Laçının azad olunması", "Suqovuşanın azad olunması" və “Vətən uğrunda” medalları ilə təltif edilib.
