Qubada “Görünməyən qəhrəmanlar” sənədli filmi numayiş olunub.
Shimal.News xəbər verir ki, tədbir Zəki Kərimov adına I Nügədi kənd 1 nömrəli tam orta məktəbində baş tutub.
İdarənin gənclərlə iş sektorunun müdiri M.Ağayev çıxışında bildirib ki, Vətən müharibəsində Müzəffər Ordumuzun yazdığı qürurlu anları, igid döyüşçülərimizin, şəhidlərimizin qəhrəmanlıq salnaməsini təcəssüm etdirən "Görünməyən qəhrəmanlar" adlı sənədli filmin gənc nəslə nümayişi onların vətənpərvərlik ruhunda tərbiyə olunmasına töhfədir.
Film 70 nəfər tərəfindən izlənildi.
"Görünməyən qəhrəmanlar" adlı sənədli filmin rejissoru və ssenari müəllifi Seyran Mahmudoğlu, prodüseri Fariz Əhmədovdur. 5 filmdən ibarət olan silsilənin digər seriyaları hər biri müxtəlif qoşun növlərinin Vətən müharibəsi dövründəki fəaliyyətini əks etdirir. Filmlərdə şahidlər və müharibə qəhrəmanları real döyüş anlarını nəql edir, eksklüziv kadrlar göstərilir.
