Rusiyada yaşayan, Quba rayonunun Qırmızı qəsəbəsində dünyaya gəlmiş iş adamlarına qarşı sanksiyalar tətbiq olunub. Bu barədə ShimalNews 27 sentyabr tarixində Modern.az-a istinadən məlumat verir.
Adı "Forbes"-un milyarderlər siyahısında yer alan Qod Nisanov Böyük Britaniya hökuməti tərəfindən məhdudiyyətə məruz qalıb. Bundan əvvəl eyni addımı ABŞ da atmışdır. Bundan əlavə, Zarah İliyev də sanksiya altına düşüb.
Britaniyanın xarici işlər naziri Ceyms Kleverli bunu Ukraynanın işğal olunmuş ərazilərində keçirilən “referendum”larla əlaqələndirib.
