“Eurovision 2025”in birinci yarımfinalında Azərbaycan təmsilçilərinin çıxışının sıra nömrəsi müəyyənləşib.
Shimal.News məlumat verir ki, Asəf Mişiyev “Mamagama” qrupu ilə “Run With U” adlı mahnını ifa edəcək. Onlar “10” nömrə altında çıxış edəcəklər.
Müsabiqənin yarımfinalı mayın 13 və 15-də, final isə mayın 17-də baş tutacaq.
“Mamagama” qrupu 3 nəfərdən ibarətdir: Asəf (Frontmen və əsas vokalçı), Hass (Gitara ifaçısı) və Arif (Zərb alətləri). Torpaq sevdası ilə yaşayan Asəf Bakıda doğulub, boya-başa çatmasına baxmayaraq, özünü əslən Quba şəhərindən hesab edir. Bunu o, sosial media hesabında “Qubanın ağ alması” mahnısını ifa etdiyi videonu paylaşaraq yazıb və xüsusən vurğulayıb.
