Qubadan daha 5 yük maşını “Qardaş köməyi” şüarı altında Türkiyəyə yola salınıb. Bu barədə ShimalNews 10 fevral tarixində RİH-yə istinadən xəbər verir.
Dəhşətli zəlzələ nəticəsində zərər çəkmiş şəxslərə köməklik göstərilməsi məqsədilə, eləcə də Qaraçay kəndində yardım toplanıb.
Aksiyada icra başçısı Ziyəddin Əliyev də iştirak edib. O, kampaniyada öz dəstəyini əsirgəməmiş və belə xeyirxah işlərin təşkilində əməyi olan hər bir kəsə, yüksək fəallıq və həmrəylik göstərdiklərinə görə rayonun bütün sakinlərinə dərin təşəkkürünü bildirmişdir.
Vətəndaşlar da qardaş ölkəyə yardım göstərməyi özlərinin mənəvi borcları hesab etdiklərini vurğulamış, bundan sonra da kampaniyada yaxından iştirak edəcəklərini qeyd etmişlər.
