Bir neçə gündür Quba–Zərdabi (Sovxoz 12) və Quba–Alekseyevka–İqrığ kənd marşrutları üzrə sərnişindaşımada yenilik edilib.
Shimal.News-un əldə etdiyi məlumata görə, sözügedən marşrutlarda köhnə mikroavtobuslarla yanaşı, müasir tələblərə cavab verən yeni mikroavtobuslar da xəttə buraxılıb. Yeni nəqliyyat vasitələri daha rahat oturacaqları, texniki vəziyyəti və təhlükəsizlik göstəriciləri ilə sərnişinlərin diqqətini çəkir.
Marşrutdan istifadə edən sakinlər yeni mikroavtobuslardan razılıq edərək, hazırda xəttdə qalan köhnə mikroavtobusların da tam şəkildə yenilənməsini arzu etdiklərini bildiriblər.
Sərnişinlər hesab edirlər ki, bütün marşrutlar üzrə nəqliyyat parkının müasirləşdirilməsi həm rahatlığı, həm də təhlükəsizliyi artıracaq.
