Qubanın Qımılqazma kəndində növbəti səyyar vətəndaş qəbulu keçirilib.
Shimal.News məlumat verir ki, tədbirdə icra başçısı İlqar Mahmudov, Dövlət Təhlükəsizliyi Xidmətinin rayon şöbəsinin rəisi, rayon Polis şöbəsinin rəis müavini, rayon Ağsaqqallar Şurasının sədri, rayonun bütün idarə, müəssisə və təşkilatlarının rəhbərləri iştirak ediblər.
Sakinlərlə aparılan abadlıq işləri və əhalinin sosial problemlərinin həlli istiqamətində həyata keçirilən tədbirlər barədə məlumatlar verilib. Daha sonra vətəndaşlar tərəfindən qaldırılan məsələlərin həlli məqsədilə aidiyyəti şəxslərə yerindəcə lazımi tapşırıqlar verilib.
