Quba rayonunun Vəlvələ kəndində yerləşən elektrik transformatoru təhlükəli vəziyyətdədir.
Shimal.News-a daxil olan məlumata görə, transformatorun qapısı açıqdır və bu, xüsusilə yağıntılı havalarda qısaqapanma riskini artırır.
Ərazi sıx kolluqla əhatə olunduğundan texniki baxış və müdaxilə imkanları məhduddur. Transformatorun altından keçən su arxı isə əlavə təhlükə yaradır – su ilə təmas halında fəsadların baş verməsi mümkündür.
Qeyd edək ki, transformator kəndin mərkəzində yerləşir və gündəlik olaraq uşaqların və sakinlərin sıx keçdiyi yerdədir. Bu səbəbdən potensial qəzaların qarşısının alınması üçün müvafiq qurumların məsələyə müdaxilə etməsi vacibdir.
Sakinlər aidiyyəti qurumlardan vəziyyətin qiymətləndirilməsini və təhlükənin aradan qaldırılmasını tələb edirlər.
