Təhsilverənlərin sertifikatlaşdırılması imtahanlarında uğursuz nəticə göstərmiş müəllimlərlə Qubada görüş keçirilib. Bu haqda ShimalNews 6 aprel tarixində Quba-Xaçmaz Regional Təhsil İdarəsinə istinadən xəbər verir.
Təhsil idarəsinin Quba rayonu üzrə təhsil sektorunun müdiri Pərviz Nurməmmədov müəllimlərlə motivasiya xarakterli söhbət aparıb. Onları proseslə bağlı maraqlandıran suallara cavab verilib.
Sonra müəllimlərin növbəti imtahanlara hazırlaşmaları üçün lazımi dəstəyin göstəriləcəyi bildirilib.
