Qubada keçirilən toy mərasimində qonaq və ofisiant arasında yaranan mübahisə dava ilə nəticələnib.
Lent.az-ın məlumatına görə, hadisə zamanı kənd sakini, 46 yaşlı Manaf Qardaşxanov həmkəndlisi olan qonağın ofisiantla kobud danışdığını görüb və müdaxilə edib.
İttiham aktına əsasən, Manaf məclisdən çıxanda həmin şəxsə yaxınlaşaraq yumruqla sifət və boyun nahiyələrinə zərbə vurub.
Quba Rayon Məhkəməsinin qərarı ilə təqsirləndirilən şəxs barəsində 1000 manat məbləğində cərimə cəzası tətbiq edilib.
